1. ERTU SKÝRÐ/UR Í HÖFUÐIÐ Á EINHVERJUM? Já ég er skírð í höfuðið á henni ömmu minni, ömmu Ragnhildi. Átti reyndar að heita Margrét en pabbi hætti við nokkrum dögum fyrir skírn. Hann fékk sem sagt að ráða nafninu mínu þar sem mamma hafði fengið að ráða á elsta bróður mínum.

2. HVENÆR FÓRSTU SÍÐAST AÐ GRÁTA? Fór í bíó á Sex and the City myndina með mæju á föstudaginn og hágrét meðal annars þegar ein frökenin eignaðist barn.

3. FINNST ÞÉR ÞÚ SKRIFA VEL? Stundum, samt oftast ekki.

4. HVAÐA KJÖT ER Í UPPÁHALDI HJÁ ÞÉR?  Kjúklingur og lamabakjöt

5. ÁTTU BÖRN ? EF JÁ HVAÐ MÖRG? Eitt stykki, Kára minn

6. EF ÞÚ VÆRIR EINHVER ANNAR EN ÞÚ ERT, VÆRIR ÞÚ VINUR ÞINN? Varla, þar sem mig langar svo að vera einhver Víkingur árið 890

7. NOTAR ÞÚ KALDHÆÐNI MIKIÐ? Veit það ekki alveg....þarf aðeins að melta þetta svar

8. FÆRIR ÞÚ Í TEYGJUSTÖKK? hæpið

9. HVAÐA MORGUNMATUR ER Í UPPÁHALDI HJÁ ÞÉR? Kornfleks

10. REIMAR ÞÚ FRÁ ÞEGAR ÞÚ FERÐ ÚR SKÓNUM? já ég er nebbla svo oft í uppreimuðum skóm sem er ekki hægt að komast úr nema að reima frá

11. TELUR ÞÚ ÞIG ANDLEGA STERKA/N? já já, samt ekki þegar ég hef komið að ægilegu bílsslysi eins og var nú orðið daglegur viðburður þarna sumarið 2005

12. HVERNIG ÍS ER Í UPPÁHALDI HJÁ ÞÉR? Finnskur lakkrís ís, ég slefa við tilhugsunina

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS? Augnsvipnum. Augun eru glugginn að sál fólks.

14. Rauður eða bleikur varalitur?  Rauður

15. HVAÐ MISLÍKAR ÞÉR VIÐ SJÁLFAN ÞIG?  Æi svo margt.

16. HVAÐA MANNESKJU SAKNAR ÞÚ MEST? Æi ég sakna afa Boga, sakna oft Þóru, sakna Kára þegar hann sefur langa dúra, sakna mjög oft Steina bróðurs. Já og svo sakna ég mömmu þegar ég er ein heima og er ekki að höndla að elda hafragraut/grjónagraut eða aðra mjög erfiða rétti.

17. VILTU AÐ ALLIR SEM LESA ÞETTA SVARI ÞESSUM LISTA? Já mikið væri það nú gaman - fyrir þá.

18. HVAÐA LIT AF BUXUM OG SKÓM ERU Í NÚNA? Er í svörtum leggings sem ég keypti mér á laugardaginn, svo er ég ekki í buxum heldur eldgömlu svörtu undirpilsi af ofangreindri ömmu Ragnhildi sem er svona assssskoti fínt- er ekki í skóm heldur sokkum, því ég er inni uppí Lazy.

19. HVAÐ VAR ÞAÐ SÍÐASTA SEM ÞÚ BORÐAÐIR? Hrökkbraut með mysing, hljómar svaka Healthy

20. Á HVAÐ ERTU AÐ HLUSTA NÚNA? Mömmu og pabba að tala saman frammi um blessaðan ísbjörninn. Ísbjörn númer 2.

21. EF ÞÚ VÆRIR LITUR HVAÐA LITUR VÆRIR ÞÚ? Grænn, ég er rosa græn manneskja.

22. HVAÐA LYKT FINNST ÞÉR BEST? Lyktin úr hálsakoti ástmannsins eftir góða sturtu, lyktin af Kára mínumm, kolagrilllykt og lyktin af góðum handáburði.

23. VIÐ HVERN TALAÐIR ÞÚ SÍÐAST VIÐ Í SÍMA? Mömmu, hún hringdi heim úr vinnunni til að athuga hvort ég hefði lifað skjálftan af sem kom í morgun.

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? Það sendi mér engin þetta, ég las þetta á bloggi

25. UPPÁHALDS ÍÞRÓTT SEM ÞÚ HORFIR Á? Æi ég gæti gubbað yfir þessum íþróttum. Finnst samt skást að horfa á fimleika - og þá held ég ekki með neinum. Held í mesta lagi þvagi því ég er svo stressuð um að fimleikafólkinu mistakist. 

26. HVERNIG ER ÞINN HÁRALITUR? Orðin mjög dökkur og ljótur

27. HVERNIG ER ÞINN AUGNLITUR? Blá- grá- grænn

28. NOTAR ÞÚ LINSUR? Nó

29. UPPÁHALDS MATUR? Lambakjöt og kjúlli.

30. HRYLLINGSMYND EÐA GÓÐUR ENDIR? æi bara hvorugt

31. SÍÐASTA BÍÓMYND SEM ÞÚ SÁST Í BÍÓ?  6 and the City

32. KNÚS OG KOSSAR EÐA LENGRA Á FYRSTA DEITI? Það getur nú verð ansi breitilegt eftir greddumagni hverju sinni.

33. UPPÁHALDS EFTIRRÉTTUR? Ís

34. HVER ER LÍKLEGASTUR TIL ÞESS AÐ SVARA ÞESSUM LISTA? æi veit ekki

35. HVER ER ÓLÍKLEGASTUR TIL ÞESS AÐ SVARA ÞESSU? Daníel

36. HVAÐA BÓK ERTU AÐ LESA? Ekki nokkurn skapaðan hlut. 

37. HVAÐA MYND ER Á MÚSAMOTTUNNI ÞINNI? Ég er með fartölvu svo hér er engin músamotta.

38. Á HVAÐ HORFÐIR ÞÚ Í SJÓNVARPINU Í GÆR? Ég var bara að dúllast með múttu úti í garði í gærkvöldi svo ég horfði ekki neitt á sjónvarp. 

39. ROLLING STONE EÐA BITLARNIR? Bítlarnir

41. HVERJIR ERU ÞÍNIR HELSTU EIGINLEIKAR? Skipulögð, ákveðin, heiðarleg.....

42. HVAR FÆDDIST ÞÚ? Á skurðarborði í Rvk.

Nú er ekki nema réttur mánuður þar til ég flyt í sveitina. Vonandi er það þá í síðasta sinn sem ég flyt á ævinni.

Væri reyndar alveg til í að fara í mastersnám eitthvað til útlanda - í nokkra mánuði. En kæmi þá alltaf aftur heim.

Eldhúsinnréttingin komin í pöntun, flísarnar, rafmagn og málningarvinna á næstu grösum.

Einhverntímann þarf maður svo að borga niður lánið sem var tekið fyrir herlegheitunum.

Sækir að mér kvíðahnútur í maga.

Áttaði mig á því nú nýverið að þetta er ekkert allt ljósum baðað - mýið við Laugvarvatnið ætlar mig lifandi að éta. Ætli það breytist eftir að ég flyt lögheimilið í sveitina ? Viðurkenni fúslega að ég er svaka sexý bomba með grænt flugnanet, girði sokkana yfir skálmarnar og vettlingana yfir ermarnar. [sjá þetta myndrænt fyrir sér takk fyrir]

Sjoppan í sveitinni er einhver sú alræmdasta okurbúlla landsins - og mér sem finnst svo næs að droppa inn í sjoppur og fá mér kalt að drekka eða sætan ís.

Og hvar á ég svo að vinna ?

Spurning um að hlaða bara niður börnum næstu árin, allt þar til draumadjobbið býðst og það á Laugarvatni.

Veit samt ekki alveg með þetta að hlaða niður börnum. Man ennþá hvað þetta var vont, óboy óboy óboy

Í síðustu viku var ég á ferð frá Selfossi til Hjálmsstaða city, keyrði sem leið lá fram hjá Borg í Grímsnesi í hálku og ógeðsfærð. Þurfti meira að segja að passa mig sérstaklega að deyja ekki sorglegum dauðdaga þegar ég úppsaðist upp úr hjólförum sem myndast höfðu ofan í klakabunkann á veginn.

Svo varð mér litið fram fyrir mig og sá mann á göngu á miðjum veginu. Fjandans fljón á ferðlagi hugsaði ég með mér og reyndi að komast upp úr hjólförunum án þess að gefa upp öndina.

Í þann mund sem ég ætlaði að gefa manninum vænt fokkjú merki um leið og ég flautaði á hann af öllu afli sá ég mér til skemmtunar að um var að ræða ReyniPétur .

Var því kurteis eins og ég á kyn til.

Það sótti á mig kvíði nú í morgunsárið. Var að átta mig á því að sonur minn er nokkuð þungur.
Fór í alsherjar upplýsingasöfnun og komast að því að hann er lang þyngsta 5 mánaða barn sem ég hef heyrt af.

Spurning um magaminnkunaraðgerð. Það væri þó ekki hægt að reka það ofan í mann að ég hefði dregið það um of.

Tölvan mín er á gelgjunni, gerir ekkert sem hún er beðin um, rífur kjaft og kemur seint heim á kvöldin.

Ég er dauðhrædd um að hún sé í dópi.

Haldið þið ekki bara að nú sé hægt að sjá myndir hér á blogginu. Það er þarna vinstra megin _> uppi "myndasöfn"

Tekur enga stund, tíu atriði hið mesta

 

1. Hef sérstakan áhuga á gengi krónunnar gagnvart erlendum gjaldmiðlum. Ætla nebbla að taka erlent lán þegar gengið er hagstætt og hefja framkvæmdir á fjósi með mínum heittelskaða. Nú eða bara spreða peningunum út í bláinn
2. Sé ekki út um gluggan því hann er hulinn snjó.
3. Barnið sefur inni í bóli því vagninn kæmist ekki út og ekki get ég gengið í hringi endalaust inní stofu til að svæfa hann.
4. Danni vinnur
5. Mér finnst ég vera að drukkna í verkefnum.
6. Lokaritger....þarf ég að segja eitthvað meira. Vá hvað ég hlakka til þegar því er lokið.
7. Ætti maður að vinna í sumar, eða bara vera heima með barn. Gæti alveg verið að vinna í húsinu okkar og reynt að koma okkur þar fyrir svo við þurfum ekki að búa inná öðrum endalaust.
8. Ætla í brúðkaup í sumar. Allavegana 2. Eitthvað er fólk nú að hætta við að gifta sig svo það hefur dregið úr fyrirhuguðum brúðkaupum.
9. Níu verða þau, er hætt og farin að læra. Plöntulífeðlisfræði varð fyrir valinu.

Er alltaf að fá tölvupóst sem inniheldur upplýsingar sem reyna að koma því til skila að brátt muni kosta að vera á MSN og því þurfi ég að senda þetta tiltekna bréf til 18 manns (af hverju 1 og þá muni MSN-kallinn minn verða blár og ég mun ekki þurfa að borga fyrir MSN.

Nei, ég er ekki vangefin og slít keðjuna. Slít alltaf allar keðjur.

Í október síðastliðnum var læri í matinn hjá okkur. Þegar við vorum búin að borða var ég eitthvað að narta í puruna sem sat svo girnilega eftir á lærinu og stakk einum ómótstæðilegum bita upp í mig. Þar með voru örlög mín ráðin, mér svengdist sem mest ég mátti á þessum ófögnuði sem sat fastur í hálsi mér og sá líf mitt fjara út. Heimilismeðlimir voru farnir að banka mig í gríð og erg....lá við að ég rifbeinsbrotnaði.  Mamma gargaði á Steina bróður að hringja á neyðarlínuna sem hann samviskusamlega gerði.  Þeir svöruðu reyndar ekki, sem kom ekki að sök því mér tókst að æla purunni upp úr mér.

Nú og af hverju kom Neyðarlínan ekki mér til hjálpar: Steini bróðir – þessi gullfiskur- hafði hringt í 122. HVAÐ ER ÞAÐ, FRÚ KLUKKA EÐA HVAÐ ?

Líf mitt snýst að öllu leyti um litla afsprengið mitt... er núna að skoða á netinu uppskriftir og hugmyndir að mat til að gefa svona litlum krílum þegar þau fara að hætta eða minnka við sig brjóstagjöfina. Mitt afsprengi er alls ekki að fara að hætta á brjósti – veit líka ekki hvernig við ættum að fara að því þar sem mínar júllur eru mjög háðar því að hann tappi af þeim nokk´ reglulega. Annars gæti ég dottið niður í júgurbólgu.

Fólk sem les þessar uppskriftir og telur sig vera að græða alveg all svakalega á þeim, er heldur ósjálfbjarga get ég sagt ykkur. Hér er til dæmis uppskrift að soðnu grænmeti...“ sjóðið grænmetið og setjið í matvinnsluvél, blandið sméri samanvið“ nú er ég búin að stitta uppskriftina mjög mikið því að í raun er þessi soðna-grænmetis-uppskrift alveg heljarinnar löng. En þetta var svona megin inntakið.

En það sem pirrar mig alveg hreint óskaplega er í þessum uppskriftum... „lífrænt ræktaður stappaður banani“, „lífrænt ræktuð bláber“ HVAÐ er málið? Vaxa bláber ekki villt úti í Guðs grænni náttúrunni, -jú- Geta þau þá nokkuð verið annað en lífrænt ræktuð. Ekki er blessuð sauðkindin eitthvað að Ólífræn þessi bláber þegar hún valhoppar á beit í nágrenni þeirra.

Æi ég held bara að þessi umræða um alllt lífrænt sé að leiða okkur öll til glötunar. Er til lífrænt súkkulaði og sótavatn til að skola þessari umræðu niður með?

 

-Já grey Sigga Björk segum við Steingrímur. Mest vorkenni ég þó Jóa, hann á varla eftir að nenna að standa upp úr rúminu til að stinga snuddunni upp í börnin (fleirtala) því einkunnarorð hans hér í gamla daga voru jú „nennekki“.

Þá er bara að vonast eftir eyrnabólgu svo maður heyri ekki barnagrátinn. Ég er til dæmis með bullandi eyrnabólgu, alveg rosalega veik. Say No More.

Eftir tvo daga er ég búin í fæðingaorlofi. Sjáið nú hvað Ísland er barnvænt þjóðfélag. Barnið er 10 vikna.

Málið er á ég var skráð 6.sept og valdi að byrja í fæðingorlofi þann dag frekar en daginn sem barnið myndi svo fæðast SEM VAR 15 DÖGUM SÍÐAR.

Ég var líka löngu hætt að vinna þar sem ég leit út eins og búrhvalur og búrhvalir vinna ekki.  

Ég tek 3 mánuði í fæðingaorlof eins og mér er úthlutað. Svo tekur Daníel 3 mánuði og svo megum við ákveða hvernig við skiptum 3 mánuðum til viðbótar. Ég fæ 98 þúsund á mánuði í orlof en Daníel tæp 150þúsund. Og reiknið nú hvort okkar fær meira. Út frá þessu ákváðum við að hann myndi taka 6 mánuði en ég 3. Samkvæmt öllu ætti ég þá að fara út á vinnumarkaðinn á föstudaginn. Glætan spætan.... barnið , hann Kári þarf að drekka á 2-4 tíma fresti. Og ekki úr glasi get ég sagt ykkur. Hann tottar brjóst, mín brjóst. Og hvernig má það svo vera að ríkisstjórin segir að ég eigi að fara út að vinna frá þessu barni á föstudaginn ? Alveg hreint rosaleg fáránlegt. Málið er að það bara gert ráð fyrir því að móðirin taki 6 mánuði en pabbi 3. Því barnið á jú að vera á brjósti 6 mánuði.

Þarna eru heilbrigðisyfirvöld= Heilbrigðisráðherra ekki að vinna með félagsmálayfirvöldum=Félagsmálaráðherra.

Svo sjá það nú allir að 98 þúsund krónur eru ekki upp úr nös á kjétti. Pælið í því ef við Daníel værum bæði skráð sem námsmenn og fengjum bæði bara 98 þúsund. Bara afborganir í greiðsluþjónustunni eru um 140 þúsund krónur. Þá á maður eftir að kaupa bensín og mat. Svo má ekki vinna með fæðingaorlofinu því þá skerðast bæturnar.

HVAÐA BÆTUR?

Þetta er ekkert til að tala um. Lágmarkslaun í landinu eru miklu hærri en 98 þúsund, hvernig er það þá reiknað út að fólk geti lifað á 98 þúsund krónum á mánuði. Ekki skrýtið að fólk vinna allajafna mjög mikla svarta vinnu meðfram fæðingaorlofinu, það kallast sjálfsbjargarviðleytni.

Gvuði sé lof fyrir fyrirbæri sem kallast Ömmur.  Já og vinkonur.

Eftir áramót erum við Daníel og Kári að flytja upp á Hvanneyri. Við ætlum að nota tímann á meðan við erum ekki enn flutt í húsið okkar, og mennta okkur.

Veit einhver um íbúð handa okkur ?

Ég er samt svo mikil hetja. Er í einum áfanga og ætla að taka próf í honum í næstu viku. Þrátt fyrir ofangreynda eyrnabólgu. Íííííííí , heyrist í eyrunum á mér. Hvað er málið? Er ég fimm ára? Ég er alltaf með eyrnabólgu eins og smákrakki. Næsta skref er að setja rör í eyrun.  

Einhver vildi sjá myndir af afsprengi ástar okkar Daníels. Sendið mér bara mailið ykkar og þá fáið þið myndir. Mailið er nem.ragnhildurs (hjá lbhi.is

Fyrir ellefu árum síðan duttum við vinkonurnar í það í 1.skipti.

 

NOTA BENE....ÉG ER 25 ÁRA Í DAG.

Við ætluðum sko alltaf að detta í það á þessum degi.

Gleymdum að reikna inn í dæmið að við værum hugsanlega með barn á brjósti sum árin.

Já og það er sem sagt eina ástæðan fyrir því að ég er ekki blindfull í dag

Ekki veit ég nú hvað gæti verið svo markvert að það kalli á blogg.

Skildi það vera að ég vaknaði bara einu sinni í nótt til að gefa syni mínum að drekka ?

Að ég frétti það norðan úr eyjafirði að stúlka nokkur sem þar býr kallar Suðurlandssjarmann orðið kærasta ?

Nú eða að ég er að farast úr spenningi að komast í nýju barnaleikfangaversluninna. Talandi um hana. Við Daníel fórum til rvk á föstudaginn með son okkar til læknis. Svo fórum við á rúntinn og keyrðum fram hjá þessari tojs ar oss verslun í kópavogi. Mikið suðaði ég um að fá að fara inn, en það stoðaði lítið. Daníel þvertók fyrir það.

Nú hef ég brugðið á það ráð að ræða þetta við hann afa minn og hann ætlar að koma með mér í þessa verslun í vikunni og þar ætlum við að gera jólagjafainnkaupinn fyrir börnin í fjölskyldunni. Hann sagðist vera mikið til í að koma með mér.

Svo Daníel: ég feisaði þig.    Ég kemst svo alveg í þessa verslun þó seint verði.  

En nú er litli herramaðurinn (Kári, ekki Daníel) búin að æla yfir sig og ég verð að baða barnið.

Hvenær á maður að hafa tíma í að setjast niður....

Og nú er drengurinn komin með nafn. Hann heitir Kári. Já og BARA Kári. Ég hef merkilega oft verið spurð að því.

Hann liggur í þessum skrifuðu, í fanginu á mér og sýgur mjólk úr brjóstunum á mér. Ég er að ná gífurlegri tækni í þessu öllu saman og get orðið haft fartölvuna í fanginu og drenginn í fæðuöflun. Ég var nottla orðin nett klikkuð á að gera ekki neitt nema að horfa á hið gríðarspennandi Vörutorg á meðan matartímar Kára voru. Var búin að lesa Ísfólkið spjaldana á milli, datt niður á mörg grevilli spennandi nöfn í þeim bókum. Ennnn NEI Daníel var ekki á því að láta barnið heita nöfnum sem ég fann í þeim bókum.

Kolgrímur - Nei hann vildi það ekki.

 

Ég er svo að byrja í skóla í kvöld. Ætla á Exelnámskeið, fjögurra kvölda námskeið. Ég er svo spennt. Hitti jafnvel annað fólk. Fólk sem hefur tjáningarform sem felur ekki í sér að grenja þegar það er svangt eða hefur kúkað á sig. Fólk sem talar.

Samt er þetta grenjandi krakkadýr mjög skemmtilegt. Það er nú samt ekki með neina brandara svona dags daglega, bara svona fyndið. Við Daníel vöknum oft á næturna við rosalega togarasjómannaprump. Það er Kári, hann fretar svo hátt !

Núna er hann sofnaður í fanginu á mér, með opin augun !!!! Alveg búin á því.... og það sést BARA í hvítuna í augunum á honum.

Já það getur tekið á að vera 18 daga.

Jæja nú jæja.

Út komst barnið, með herkjum þó og vesi ves. Eftir tuttugu og sjö tíma af ógeðs kvölum var allt stopp, fast, snúið og ég veit ekki hvað og hvað. Því var mér trillað inn á skurðstofu og ég rist á kvið. Smekklegt !

Daníel var klæddur upp í málaragalla, sem þó nýtist líka vel sem skurðstofugalli. Andlitsgríma og hárnet (sem ég skil nú ekki alveg tilganginn í þar sem manngreyið er hárlaus hausnum á.

Já og það var STRÁKUR.  Ég efaðist aldrei um að þetta yrði strákur, veit hreinlega ekki hvert ég hefði farið ef mér hefði  verið rétt stelpa. Var búin að raða í kommóðu barnsins, öllu bláu, ekki ein bleik flík og ekki eitt né neitt sem gæti gefið nokkrum manni grunsemdir um að von væri á stelpu.

Við vorum samt ekki búin að kíkja í pakkann. Daníel bjóst við stelpu.

Nú erum við búin að vera að vinna á nafnavali. Við þurftum bæði að fara milliveginn. Sko í fyrsta lagi þá þurfti Daníel að hætta að hugsa um stelpunafn, sem var gífurlega erfitt fyrir hann, þar sem hann var búin að ákveða hvað stelpan hans ætti að heita. Nú og ég þurfti að hætta við mörg þeirra nafna sem ég var búin að ákveða, eingöngu af því að þau féllu ekki að geði ástmanns míns. 

Og eftir stendur nafn sem við erum bæði sátt við, mjög sátt við meira að segja. En við erum nú bara að venjast því sjálf í dag og næstu daga og þegar við verðum tilbúin í hjarta okkar þá segjum við frá því.

Sá eina ólétta í BÓNUS í dag, fékk hroll. Hún veit ekki hvað hún á eftir að ganga í gegnum.

Ef ég hefði haft mátt í fótunum í mestu og verstu hríðunum hefði ég labbað út að næsta glugga og hent mér út.

ÉG HEF ALDREI FUNDIÐ EINS MIKIN SÁRSAUKA EINS OG ÞESSAR HRÍÐIR VORU. !!!!

Ertu kvenkyns ?

Ertu að hugsa um að eignast barn ?

Hefur þú íhugað leigumóður ?

Í alvörunni, ég hef dottið af hestbaki og brotið þrjú fokkings rifbein, hef dottið á skíðum og brákað handlegginn á mér, hef dottið fram af bílsskúrsþaki og brotið handlegg. Mér hefur verið dömpað og ég hef kvalist á sál og líkama. EKKERT þessara atriða komast í hálfkvist við þann nístandi sársauka sem hríðir eru/voru!

Ertu karlkyns ?

Hefurðu íhugað að fá staðgengil til að vera viðstaddan fæðinguna í þinn stað ?

Hefur þú áhuga á að sjá unnustu þína gráta af kvölum, hristast úr geðshræingu, sjá mænuvökva leka út úr bakinu á henni þegar læknirinn reynir að fremsta megni að lina sársauka hennar með mænudeyfingu ?

Og svo þegar fæðingin er afstaðinn er þetta alls ekki búið.

Stelpa sem ég þekki lá á hinni stofunni. Við hlóum mikið af hrakförum okkar. Það skráfaði í bleyjunum okkar þegar við gengum inn í sjónvarpsherbergið, við gátum ekki sest á klósettið nema með hjálp kærastanna, við gátum ekki skipt um bleyju nema með aðstoð kærastanna eða ljósmóðurinnar, við gátum ekki hlegið því harðsperrurnar í maganum voru að gera útaf við okkur.

Já og þegar ljósmóðirnn bað Daníel um að „aðstoða sig aðeins við með þvaglegginn“ Jebb maður er SEXÝ!!!!

Þakka Gvuði fyrir að við Daníel erum búin saman lengur en 9 mánuðu og vonandi þolir samband okkar þetta allt saman.

 

Það er sagt að maður gleymi fæðingunni.

Það er bara EINS GOTT !!!!

 

Annars á ég ósköp indælt barn sem sefur nú í fangi föður síns í hægindastólnum. Gott ef þeir sofa ekki báðir tveir. Hann er svoooo fyndin, og sætur maður lifandi. Var ég búin að minnast á hvað hann er mjúkur. Og svo sprænir hann undantekningarlaust út um allt þegar við skiptum á honum. Hann tekur allan minn tíma og gott betur en það, ég er skítfallinn í þessum tveimur áföngum sem ég ætlaði að vera í og á að fara í próf í næstu viku. Verð bara að taka það að ári.

ÞÚ er velkomin í heimsókn til okkar. Góð meðferð við þunglyndi að faðma þetta litla mjúka krakkadýr að sér.

Lifið heil- Ragnhildur over and out

Með 2 í útvíkkun kl. 17 í dag.

Hríðir á 4 mín fresti.

Fer að fara aftur upp á deild og reyna að rumpa þessu út.

Voða voða mikið vont.